Arreta Zerbitzua: Zuzenean

Eskabideak herritarrentzako arreta buegoetan entregatzeko, aurretiko hitzordua eskatu behar da: Eskatu hitzordua

Ordutegiak kontsultatu

EAEko erregistro laguntzaileak

Euskal Autonomia Erkidegoko Administrazio Orokorraren eta bere erakunde autonomiadunen erregistroen sarrera, antolaketa eta funtzionamenduari buruzko apirilaren 29ko 72/2008 Dekretuan adierazten diren tokietan.

Aurkezteko beste leku batzuk

Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan aurreikusita dagoen bitartekoren bat erabiliz.

• Imprimakiak

  Informazio xehetua

  COVID19a dela eta, adiskidetze-orria aurrez aurre aurkezteko, beharrezkoa izango da hitzordua eskatzea, astelehenetik ostiralera 08:30-tatik 14:00-tara:

  ARABAKO LURRALDE ORDEZKARITZA

  Samaniego, 2- 2º
  01008 Vitoria-Gasteiz
  Tf.: 945 017 030
  Fax: 945 017 031
  conciliacionesaraba@euskadi.eus

  BIZKAIKO LURRALDE ORDEZKARITZA

  Gran vía, 85
  48011 Bilbao
  Tf.: 94 403 12 09 / 944 03 12 10
  Fax: 944 031 212
  concili-bizkaiacitas@euskadi.eus

  GIPUZKOAKO LURRALDE ORDEZKARITZA

  San Bartolomé, 28
  20007 Donostia / San Sebastián
  Tf.: 943 02 32 15
  Fax: 944 031 212
  concili-gipuzkoa@euskadi.eus

  ADISKIDETZE-EREDUAK

  Adiskidetzeko aurretiko eskabidea –“papera” Mduan ezagutzen den agiriarekin aurkezten dena– demanda aurkezteko epe
  berarekin aurkeztu behar da:
  
  

  • Orokorra adiskidetze-orria (pdf, 61KB)
  • Kaleratzeagatik (pdf, 68KB)
  • Soldatengatik (pdf, 73KB)
  • Askoren soldatengatik (pdf, 66KB)
  • Zigorrengatik (pdf, 56KB)
  • Lan Kontratua bukatzeagatik (pdf, 60KB)
  • Beste batzuk (pdf, 58KB)

   

  1. 20 eguneko iraungitze-epean, gertaera hauek direnean: kaleratzea, zigorra, an-kontratuaren azkentze objektiboa, kontratuaren suntsiarazpena, mugigarritasun geografikoa, lan-baldintzen aldaketa garrantzitsua, bularra emateko baimenak, familia arrazoiengatik lanaldia murriztea….

  Aurkeztuz gero, iraungitze-epea etengo da:

  – aurkeztu den egunetik (ez da egun hori zenbatuko) adiskidetze-ahaleginaren biharamunera arte.

  – soilik aurkeztu denetik 15 egunera (baliodunera) bitartean. Beraz, epe horretan ez bada adiskidetze-ekitaldirik egiten, iraungitzea berriz hasiko da zenbatzen. Kontuan izan behar da, betiere, larunbatak egun baliogabeak direla, eta ez direla zenbatu behar; igandeak eta jaiegunak ere
  baliogabeak dira.

  2. Urtebeteko preskripzio-epean, gainerako kasuetan (soldataren zenbatekoari lotutako erreklamazioa edo eskubideak oro har). Epe hori preskripziokoa da, hau da, eteten bada, berriz zenbatzen hasten denean, urtebeteko epearekin hasiko da zenbatzen.

  3. Hogeita hamar egun igaro badira eta oraindik ez bada adiskidetze-ekitaldirik egin, prozedura amaitutzat eta tramitea betetzat emango dira.

  Iraungitze-epea legez ezarritako arrazoiengatik eten daiteke; horrela eginez gero, 20 egun balioduneko epea berriz hasiko da, falta ziren egunetik hasita, eteteko arrazoia desagertzen denean. Hau da, zenbaketa ez da berriz hasieratik hasiko. Adiskidetze-ekitaldia egoki den probintziako lurralde-ordezkaritzaren aurrean egingo da.

  Lan arloko agintaritzak bi alderdiak deituko ditu, adiskidetze-papera aurkeztu eta hurrengo hamabost egun balioduneko epearen barruan, adiskidetze-ekitaldia egiteko. Interesdunak (demandatzaileak eta demandatuak) nahitaez agertu behar dira, eta honako hauek eraman behar dituzte:
  
  1. Pertsona fisikoak: haiek agertu behar dira, NAN/AIZ/Pasaportea aldean dutela. Adingabeak badira ordezkariarekin agertu behar dira, ordezkariaren identitatea frogatuta.
  
  2. Pertsona juridikoak: legezko ordezkaria agertuko da, ahalordearekin eta/edo jatorrizko eskriturarekin, eta bera identifikatzeko jatorrizko agiri batekin (NAN/AIZ/Pasaportea).

  Bi kasu horietan beste pertsona bat ere agertu ahal izango da, baldin eta honek Zuzenbidean balioduna den ordezkaritza badu:
  notario-ahalordea, “apud acta” ahalordea, Espainiako bitartekaritza, arbitraje eta adiskidetze zerbitzu batean egindakoa. Jatorrizko agiriak aurkeztu beharko dira beti.

  Notario-ahalordea /eskritura mankomunatua bada, bertan ezartzen den gutxieneko pertsona kopurua agertu behar da.

  Bi alderdiak derrigortuta daude adiskidetze-ekitaldian agertzera.

  Adiskidetzearen edo bitartekaritzaren eskatzailea agertzen ez bada, jarduera artxibatu egingo da eta papera aurkeztu ez dela jasoko da, arrazoi justifikaturik ematen ez bada behintzat.

  Demandatua agertzen ez bada, adiskidetzea egiten ahalegindu dela baina ondoriorik izan ez duela jasoko da. Orduan, eskatzaileak demanda bat aurkeztu ahal izango du, nahi izanez gero.

  Azaroaren 23ko 2756/1979 Errege Dekretuan ezartzen da adiskidetze-ekitaldia eskatuko dela "... zerbitzuak ematen diren tokian edo interesdunak bizi diren tokian egoitza duten administrazio-organo eskudunen aurrean".

  Beraz, erreklamaziogileak paperean zehaztu behar du Lan eta Gizarte Segurantzako zein lurralde-ordezkaritzari zuzentzen zaion. Langilearen bizilekua, enpresaren kokalekua, lantokiaren kokalekua edo zerbitzua gehienbat egiten den tokia izango ditu aukeran; eta zerbitzua eskualde batean baino gehiagotan ematen den edo muga-barru ezberdina duen zehaztuko du.

  Hori gorabehera, lan-arloko jurisdikzioak eskumena izango du adiskidetzea egin eta akordiorik ez lortzean jarritako demandaren berri izateko. Hura murriztaileagoa da. Eskumen hori du, izan ere, 36/11 Legearen (urriaren 10ekoa, lan-arloko jurisdikzioa arautzen duena) 10.1 artikulua betez; enpresaren egoitzakoak izango du eskumena enpresari aurkezten bazaio demanda, edo zerbitzua ematen den tokikoak: "Oro har, eskumena izango du zerbitzua ematen den tokikoak edo demandatua bizi den tokikoak;
  demandatuak aukeratuko du hori."